منتديات غزال بوظبي

منتديات غزال بوظبي


 
الرئيسيةموقع الرياضياليوميةمكتبة الصورس .و .جالمجموعاتالتسجيلدخولمنتدى

شاطر | 
 

 بونواس ؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فارس بوظبي
مدير
avatar

ذكر
عدد الرسائل : 85
المزاج : مرفآوي
نقاط : 34800
تاريخ التسجيل : 14/05/2008

بطاقة الشخصية
العاب: 10

مُساهمةموضوع: بونواس ؟؟؟؟؟؟   الأحد يونيو 01, 2008 7:37 pm

السلام عليكم ورحمة الله وبركاته

بونواس

كان فيه مدينه ويحكم هذي المدينه امير وهذا الامير كلمه اتيبه وكلمه اتوديه يعني شوره مب عنده يعني بالعربي

بسرعه ينضحك عليه وخاصتن من لمطوع الي اربعه وعشرين ساعه لزق فيه .

وفي هذا المدينه كان صاحبنا ابونواس الذي كان ينضرب الوصف فيه من ذكاء ودهاء وغير هذا كان شاعر .

تبداء المشكله وهي ان لمطوع ما يطيق هذا الي اسمه بو نواس والود وده يذبحه بس كيف الطريقه ؟؟؟؟؟؟

فكر لمطوع في طريقه اتكون بعيده عن الشوبهات وهي انه ياثر علي الامير الدثوي بخطه يقنعه فيها .

يوم من الايام جلس لمطوع في زوية المجلس الامير وكانو يلعبون طرنيب ويضحكون مع الامير فلتفت الامير

للمطوع وقاله حياك صوبنا يا مطوع بنلاعبك .

قال لمطوع لا طال عمرك اسمحلي اليوم انا تعبان .

فرد الامير افا كيف ميصير لا وقت صلاه ولا شي تعال بنلعب دور بس عن خاطري اريدك تتبارك باليلسه

قاله لمطوع مقدر

الامير: بتقولي الحين شو السالفه .

قاله اسمع طال عمرك انا البارحه يوم سريت عنك وانا انود من المغرب وكان شي ايقولي يا مطوع سر ارقد من وقت

وانا كنت حاس ان فيه شي .

المهم سرت وصليت ركعتين ورقدت .

وفجئه طال عمرك ما امدالي اغمض عيني ولان ابوك وامك جدامي !!!!!!!!!!!!!!!!!!!!!!!!!!!!!!!!!!!

اتعجب الامير من كلام لمطوع وقاله كمل كمل .

قاله شو اكمل طال عمرك كلمني ابوك وقالي سلم علي ولديه وقله ترانا في الجنه وفي نعمه وخير انا ومك

بس ينقصنا شي واحد ؟؟؟؟؟؟

الامير !!!!!!!!!!!! شو يبون انا حاضر .

قال لمطوع .ابوك يبا حد ايونسهم هناك ولزم ترسلون أي حد احدده انا (((( الي هو لمطوع ))))

قال الامير تم حدد منو تختار وبرسله الهم . بس كيف !!!!!!!

لمطوع : ماعليك انته من تفاصيل كيف بيروح خلها علي طال عمرك انا اعرف .

المهم قال لمطوع للامير شو رايك نرسلهم بو نواس ؟؟؟؟؟

الامير بو نواس ؟؟؟

لمطوع : هااااا بو نواس ريال فوكاهي وما ينمل ((( وهو في خاطره لوع الله جبده )))) وبيونس هلك هناك .

الامير اوكي اتولي بو نواس .

يابو بو نواس والريال ما يدري وشو ينتظره عند الامير .

الامير لبونواس : يا بو نواس اسمع انا الصراحه الاهل يبونك عندهم في الجنه .

بو نواس ؟؟؟؟؟؟؟؟؟؟؟؟؟؟؟؟؟؟؟؟ كيف طال عمرك .

لا تسئلني كيف . بس الي اعرفه ولم عمرك .

بونواس : اولم عمري علي شو ؟؟؟؟؟؟؟؟؟؟؟؟؟؟؟؟؟؟؟؟؟؟

الامير :اتولم لانا بندفنك علشان اتسير عن هليه اتونسهم هناك ضايجين .

بونواس مايصير طال عمرك .

الامير: ايصير ولا اجدلني في أي موضوع لك طلب واحد قبل ما اتروح اطلب.

المهم بو نواس عرف السالفه وماكان الا انه يطلب الطلب الي يمكن ايكون من صالحه .

بونواس للامير: طال عمرك اطلب اتعطيني شهر كامل ارتب نفسي فيه والقبر انا احفره ولا حد يدخل فيه .

فما كان من الامير الا الموافقه .

والمطوع بانت ابتسامت الخبث عليه .

المهم بداء بو نواس في اجرائات الخطه الي خططها في نفس اليوم الي قابل فيها الامير الطرطنقي ومطوعه .

فحفر بو نواس قبر وخندق ايوصله لين بيته .

وشتراء اغراض تكفيه شهر كامل وخزنهن داخل البيت .

جاء اليوم المحدد ودموع الناس علي فرقي بو نواس .

جاء بو نواس للامير يهمسله ويقوله طال عمرك بطلب طلب بسيط .

قال الامير اطلب .

قاله بيتي لا حد ايه ابدا .

قال الامير تم فالك طيب .

المهم استعد بو نواس للرحاله الغريبه ونزل في الحفره ودفنوه ومن ذاك اليوم والمطوع فرحان فرح غريب .

ومرت الايام حتي اكتمل شهر كامل .

الامير يلعب اورقه مثل كل يوم ومعاهم لمطوع دخل عليهم الحارس ايزاعق بو نواس وصل بو نواس وصل .؟؟؟؟؟

قام الامير والمطوع ما قام ليش !!!!!!!!!!!!!!!!!!!!!!!!!!!!!!!!!!!!

هههههههههههههههههههههههههههههه اغمى عليه الثور من الصدمه هههههههههههههههههههههههههههههههه

المهم وفجئه دخل بو نواس مجلس الامير وربع الامير يحضن بو نواس من الفرحه ولموطوع بعده في غيبوبه

وسار بو نواس وكان هناك بالدي ايقطر فيه لمكيف فيه ماء شله وصبه علي راس لمطوع وقام لمطوع مب عارف

شو السالفه .

المهم الامير لابونواس : اعلومك وشحال هليه وخبارهم .

بو نواس : هلك ابخير والحمد لله ويسلمون عليك سلام وايد وليتك اتشوف الي انا شفته وانا كنت ما برجع علي فكره

بس لما اني احبك ولا والله اني اتم عندهم .

الامير الله ايخليك .

بو نواس للامير : شوف طال عمرك هلك يبون واحد يقراء عليهم وقالولي لزم اترد وتخبر ولدنا .

قالتلهم خبروه بحلم قالولي لا انته سر وخبره .

فيت طال عمرك اخبرك انهم يبون لمطوع .

انتفض لمطوع وغمي عليه مره ثانيه ههههههههههههههههههههه

المهم امر الامير بحفر حفره للمطوع . ولمطوع ايصيح ويقول جذب طال عمرك خلني اخبرك السالفه .

الامير : ادفنوه .

دفنو لمطوع ومرت الشهور تليها اشهور .

الامير لبونواس :بسئلك لمطوع اتاخر ما يانا

بو نواس : وين ايك طال عمرك انا كنت ما بيي من النعيم والخير الي انا شفته .

الامير :يعني لمطوع ما بيي .

بو نواس : لا ما اضن ايك مره .

الامير لبونواس : ايك شور باجر انا بسيرلهم وبخدم لمطوع لين الله ايذله .

بو نواس خلاص اتجهز بكره .

يو م اصبحو الصبح امر الامير بان بو نواس ايحل محله لين ايرد ونزل في الحفره ودفنوه الحراس .

ونفد الامير ولمطوع في شر اعمالهم ومن غشامتهم


وحكم بو نواس المدينه .

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://crashk.montadamoslim.com/
 
بونواس ؟؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات غزال بوظبي :: الأقسام الأدبية :: قسم التراث و صدى الماضي-
انتقل الى: